مسائكم شعـر
،
وش عاد باقي والغلا صار مفقود
ـــــــــــــ وجفت غصون الحب باول حصاده
هذا خطاي اللي عطيتك بلا قيود
ــــــــــــ وقلت احتويك بكل صبر وجلاده
صحيح قلبك كان خالي ومجرود
ـــــــــــــ ولايعرف اسلوم الهوا والسعاده !
وانا لقيتك عقب ماكنت ملهود
ـــــــــــــ وارويت نفسك من سحابة وداده
ورشحت حبك دون ناقد ومنقود
ــــــــــــــ وصرت الوحيد الي عليه الرياده
وعلمتك فنون المحبه ، مع الجود
ــــــــــــ وعلمتك اصول الوفا والسياده
لكن حسافه ، شفت نفسك بلا زود
ـــــــــــ وزميت روحك والغلا في مهاده
واصبحت قاسي قلب كالصخر جلمود ؟
ــــــــــــ وطاوعت نفسك بالبعد والبلاده
لكنٍ عادي ، دام مامثلك يفود
ـــــــــــــ مثلك كثير وصار بالوقت عاده
تدرين ليش أكره ( وجودك) بالـٌـــــــ:وجود
ـــــــــــــ أقري معي أخر بيوتي بأفاده !!
متغطرسه وفيك اللكاعه بلا حدود ؟
وزودٍ
على هذا
( غرورك )
زياده
,
لـ مشعل الشوق ..