:
:
:
:
مروقة البال
الشاعر / الأمير .. خالد الفيصل .. قال :
من بادي الوقت وهذا طبع الايامي=عذبات الأيام ما تمدي لياليها
حلو الليالي توارى مثل الأحلامي=مخطور عني عجاج الوقت يخفيها
أسري مع الهاجس اللي ما بعد نامي=وأصور الماضي لنفسي واسليها
أخالف العمر وأراجع سالف أعوامي=وأنوخ ركاب فكري عند داعيها
تدفى على جال ضوه بارد عظامي=والما يسوق بمعاليقي ويرويها
الا صفى لك زمانك عل يا ظامي=اشرب قبل لا يحوس الطين صافيها
الوقت لو زان لك يا صاح ما دامي=يا سرع ما تعترض دربك بلاويها
حتى وليفك ولو هيّم بك اهيامي=سيور الأيام تجنح به عواديها
وقام .. الشاعر / الشيخ محمد بن راشد آل مكتوم .. بالرد .. فقال :
يا مرحبا يا معنى خط الاقلام=مثايل شوقتني في معانيها
حي المثائل يا سلالة نسل الكرام=يا من بيوته عن الزلات يحميها
من داثر الوقت وهذا طبع الايامي=مرات تصفى ومرات الكدر فيها
كم واردا ضاميا صد درب الاحيامي=وكم واردا شرب من صافي مغانيها
لا تنظر اللي مضى وتعد الايامي=ارعى ربيع الزمان أول لياليها
حلو الليالي تعوض مر الايامي=ما يحسب الوقت ويفكر في ماضيها
لو كان ما بي كتبته جفت أقلامي=من حرتي أبدع أمثالي واغنيها
ردار فكري يصورلي مضن زامي=في هندس الليل يوم أرتاح غافيها
يوم الخلايا تنام وفكرها نامي=حرام عيني لذيذ النوم يغفيها
حالي كما عشب صيف صابها الضامي=ولا كما وردة جفت نواديها
نار الغضى والتوقد في بحر طامي=خالد وعيا مولعها يطفيها
ريم رعى في الفياض وزهر الاوسامي=قائد خشوف الجوازي في مفاليها
بأرض محيله ولو توطى لها أقدامي=تزهى وتضحك لها الدنيا وتحييها
سود الليالي مع صلفات الايامي=نأخذ مقادمها ونترك تواليها
نمشي على درب ما تأطأها الاقدامي=وإن وعرت الارض يعجبني المشي فيها
يا خوي انا ريت رويان وهو ضامي=يا كيف عطشان في جاري سواقيها
ريح ضميرك ولو هيم بك هيامي=حقا على اللي جرح نفسك يداويها
يا مفطر الوقت هذا شهر الصيامي=وليلة القدر في أخر لياليها
يا زين هد الوحش بعض الايامي=في ديرة قفرة عسره مضاويها
أشقر طويل المعنق يبري أعظامي=صوايده من فنادي الصيد يدميها
يا شيخ هذا زمان كله أنعامي=الذئب جائع وشبعانه حصانيها
لو كان يبغى يغزر نابها الدامي=يا كيف تكسر جوارحها طواريها
وكل مخلوق في هالدنيا فلا دامي=لابد تنهي مغازلها مطاويها
وأخر كلامي بحرف السين واللامي=والميم والعين تتلاها قوافيها
لذلك .. أختلفت الكلمات .. والمعنى واحد ..
وكلا القصيدتين تروق لي .. وبشدة ..
بتاااار
شكرآ جزيلآ على ردودكما .. لا حرمني الله منها ..