السلام عليكم ورحمة الله وبركاته
الى اعضاء هذا المنتدى
اهديكم هذه المتواضعه
واتمنى ان ترتقي لربع الذائقه
واقول فيها
في هالزمن ياكثـر ماقيـل رجـال
بالقـول وألا بالفعـل ماتشـوفـه
والفعل كايد بـس منهـو بيشتـال
ياكود رجلٍ كالجبـل فـي وقوفـه
ماهـو بخبـلٍ بالسواليـف يختـال
لاشفت فعلـه فالصعايـب تعوفـه
لو المراجـل بالخثاريـق تنطـال
كان النساء فيها رجـال امعروفـه
والمرجله ماهي بتجميـع الامـوال
وياكـم تاجـر مايحشٌـم ضيوفـه
هذي حقايق شاعرٍ شاف الاهـوال
في دنيته وياكـم صعـبٍ يطوفـه
واخر كلامي بيت مضرب ل الامثال
ودي بكـل النـاس تاقـف تشوفـه
المرجله بالديـن ماهـي بالاقـوال
والدين وضّح كـل شـي بوصوفـه
وسلامتكم
لكم خالص تحيات
أخوكم / ســلـمـان الـعـجـمـي ...