السلام عليكم ,,
مساكم الله بالخير
متواضعه أتمنى لها القبول ..
القلب ظامي حب والوصل ديمه=والصمت حط القلب في راحة يديك
وصارت دروب الحب شغله سقيمه=دايم نهايتها تجيب التهاليك
أنتي كفو للحب ولا لحشيمه=منتي كفو هذي ولا أنتي كفو ذيك
طرايقك وياي ماهيب سليمه=ودايم أمشيها علشاني اغليك
زود الغلاا خلا العواقب وخيمه=وخلا علومي كلها تنتهي فيك
لوك مشيتي بالمكارم كريمه=ماكانت جروحي تنازف وترجيك
لاتحسبين الحب لعبه عقيمه=وفيها يفوز اللي يكابر وينعيك
الحب من ربي على القلب غيمه=تمطر على قلبي وتسقي معاليك
صبرت لين الصبر صيح صميمه=وكتب له ابياتن علشان تنجيك
كانك تبي جطلي علاقه حميمه=أعرف وش أغلاطك وغير مباديك
وكانك تبي الدعوه نهايه آليمه=والله ثم والله لا انسى واخليك
أخيكم
جطلي بن فهد