[فهد الميع]

بسم الله رحمن الرحيم

اسعد الله اوقاتكم في كل وقت وكل حين

فالحقيقه هالموضوع الذي سوفه اطرح موقف مثل الموت حصل معي وحبيت ان اطرحه هالموضوع لكم
مره من المرات كنت جالس انا وصديق لي فالدوانيه بمعنى المجلس الساعه تقريبأ 2 بالليل

فجأه اتصلت علي وحده كنت اكلمها وصارلي فتره طويله ما كلمتها يعني بمعنى انقطعت العلاقه بيني وبينها

فستغربت اتصالها لي دقت

قلت /الوو

قالت/قوه بوفالح

قلت/اهلين من معاي<<لان غير تلفونه وضاعت الارقام

قالت/فلانه

قلت/ هلا وغلا شلونش

قالت/فهد تقدر تجيني البيت

قلت/مو مشكله لكن شنو المناسبه؟..؟

قالت/ابيك بموضوع

((سكرته منها))

وجيتها البيت طبعأ ماجيتها بروحي لاني كنت حاس انه بيصير معاي شي فا جبت صديقي اسمه بدر العتيبي هذا اخوي الي ماجابته امي

ونفس الوقت اخوي برضاعه مارحنا بعيد ههههههههههه

المهم

جيت قدام بيتهم لقيتها ورى باب بيتهم قالت تعال ادخل

دخلت ودتني غرفتها طبعأ سوت لنا طريق انا وخوي بدر

وقعدنا بغرفتها وصرنا ثلاث انفار في غرفه وحده ونيه سليمه لاحد يروح بعيد

شوي والله ويدخلون اخوانها علينا

لا تسألون شلون فلتنا منهم

والله ونهرب منهم وهم ورانا طبعأ اخوي بدر ذكي لما جو اخوان البنت خطف من ايدين البنت تلفونها حتى ما يطلعون رقمي ويودونه المخفر او مركز الشرطه


المهم

مالكم بالطويله

ونفلت منهم ونركب السياره كانت سيارتنا قريبه من البيت ونركبها ونفتر فيها برى المنطقه ولا هم ورانا ما خلونا

شوي وتطفي السياره ولا درينا وش فيها

اكتشفنا اخر شي ما فيها بانزين او بترول بمعنى الكلمه

والله ونفلت منهم رجلي وهم ورانا

وندخل مسجد كان الناس في وقتها يصلون الفجر

يالله ان تغفر لنا

دخلنا بين الصفوف المصلين ونصلي على اساس ان نضيعهم

ولا هم يصلون ورانا

اول ما سلم الامام ونسلم قبله

ونفلت

وهم ورانا

ونروح فوق المسجد عند المناره ما عندنا مكان نروح له وانا والله ميت خوووووف

هم تقريبأ (5) من بينهم واحد عاقل يبي الستر وهي اذكر مره من المرات سولفتلي عنه قالت انه مو راعي مشاكل وطيوب

قلتله انا بنزل بس ما تسون لنا شي

قال محد راح يلمسك شعره

توني بنزل له الا تذكرت ان البنت سولفت لي عن واحد من اخوانها يحب شي اسمه شر ومشاكل

والله ورجع قالي تعال قلت مابي

اخوي بدر قاعد يطل من فوق المناره الى تحت شاف تراب وصلبوخ حق بيت يبنأ لان جنب المسجد بيت يبنا

قالي اخوي بدر فهد خلنا ننقز من فوق قت لا كذا بنموت قالي اذا نقزة او مانقزت انت ميت ميت

ومن دون حس ولا شعور اخو البنت الي يحب الشر جانا ولا حسينا فيه ومعاه سكين ويطعن اخوي بدر وبدر تعور بس ماصار معاه شي ويرفسه من فوق الى تحت عند اخوانه فالدرج ماصار له شي لان كانو قريب منا

اخوي بدر قال شفت يافهد يلا انا بنقز

والله وخوي بدر ينقز من فوق الى تحت فالارض وقالي فهد يلاااااااااااااااااا انقز

وانا كنت متردد

شوي ويجي اخو البنت توه راااااااااااااح يطعني بسكين الي معاه

والله وانقز من الخوووووووووووف

وانا ما بين السماء والارض

قاعد اصـــــــــــــــــيــــــــــــــــــــح

اااااااااااااااااااااااااااااااااااااااااااااااااا اااااااااااااااه

شوي امي تقومني من النوم تقولي قوم قوم فهد الصلاه ما بقى عليها شي

هههههههههههههههههههههههههههه


شرايكم في قصتي