[محارب يام]

يامعدي المرقاب والقلب مشتاق



السلام عليكم يااهل مرقاب الشعر ارجو ان تتقبلوا هذه المتواضعه





((((يا معدي المرقاب والقلب مشتـاق
ارقه ومعْك معـذب القلـب يرقـا))))
فى راسه الشاهق من الشعـر بـرّاق
خلاّ القمم من جـزل الاشعـار غرقـا
وعلى المعنى ينسكب عـذب رقـراق
وتزهى سمـاه برونـق الـود زرقـا
لـي عـام يالمرقـاب والبـال مـاذاق
الا رمـاح الـصـد فالـبـال زرقــا
من قو ما فالقلب مـن لوعـة افـراق
ناحـت شرايينـه علـى كـل طرقـا
ومن كثر ما فالعين من شـوق حـراق
اول ظحايـا العيـن الاهـداب حرقـا
ومن كبر ما فالراس من وجد سـراق
يسرحبي الهوجـاس غـرب وشرقـا
وشلون بنسى من له العقـل منسـاق
مسلـوب اراده والاحاسيـس سـرقـا
والطيـف نبعـه بالشراييـن دفــاق
والفكـر طايـر وجهتـه دار طـرقـا
انساه في حالة نسى الصبح الاشـراق
او روق تنسـى حـزة الضيـق برقـا
برقـاك ملهـوف لهنـا البـال تـواق
من العنـا فـي خافقـي نـوح ورقـا
وفي سفحك النايف عسى تخضر اوراق
قلبٍ غزاه المـوت مـن ضيـم فرقـا


بدر ناصر المورقي

دمتم بود..............................