يالله ياللـي كـل خلـقـك تـرجـاك=ياللي تشوف الخلـق وانـت بسماكـا
ياعالـم إبـن آدم ولاسـر يخـفـاك=تركع لـك العالـم خشـوع وتباكـا
يامخرجٍ ذا النون من بطـن الاسمـاك=يامستجيـب لدعـوة اللـي دعـاكـا
يابوي جعل المـوت يبعـد وينسـاك=ياعزوتـي مالـي موجـه سـواكـا
لاصرت تضحك والفرح فـي محيـاك=انسـى عنـى الدنيـا واقبـل يداكـا
ولاصرت ضايق ضاقت ارضي والافلاك=وضلـوع صـدري جاوبـن برتباكـا
كيف اهتني في النوم والنـوم ماجـاك=اسهر ياليـن النـوم يضـوي علاكـا
وامي لها في قلبي قصـور وامـلاك=هـذا كـلامٍ صـدق مابـه شكـاكـا
داست على حسابي عواقيب واشـواك=وتصبـرت لـو كـان دربـي هلاكـا
ياما مسحت دمعتك من وسط عينـاك=وياما تعبـت والقصـد تبعـد عناكـا
وعلى طريـق الخيـر دايـم تمنـاك=وتطلـب مـن الله لايخيـب رجـاكـا
وزبدت كلامي واضحه مابهـا شكـاك=امي وابـوي ونـور عينـي شراكـا
وتم الكـلام اللـي بديتـه علـى آك=والشطر الاخر منتهيبـه علـى آكـا
وسلامتكم
تحياتي
وردتــــــــــــــــــكــــــــم