المترف اللى يشلع القلب تشليـع = لاشفت زولـه قمت اعضٌض الأصبــاع
ماخذ وصوف الزيـن من غيــر تلـميــع = والثلـج لو يشـوفـه ويحـسُ به مــاع
في طلـٌتـه يشـري المزاييــن ويبيـــع = وفي صدٌتـه صارو مجانيـن واتبـــاع
واما الدلع فطره ولا هو بتصـنيـــع = مميز(ن) خلـقـه وفيـه زيــن الأطبـــاع
يفدونــه اللي لابســات الملافيــع = ومنهو يفـكـٌر يوصـلـه يقضـب الـقــاع
ماطيـع في غيــره من النـاس ماطيــع = لو كان غيــره بالحلا اشكال وانواع
لو غاب عني الغلا ايـام واسابيـــع = اشتاقلــه شــوق المحبيــن والــتــاع
اموت في وصـلــه وادلٌعــه تدليـــع = وله في صميـم القلب مدهـال ومربـــاع
اجيـب العيـد عيـد واعلومـي اتضـيــع = لااقبلـت عليـه وقالـلـي (مرحبـا الســـاع)