السلام عليكم ..
اصبحكم ./. امسيكم بالخير و الرضآ
^
آلحين نقول
آلف آلف آلف آلف آلف آلف آلف مبـــــروك يآ يــآم فــوز البيارق الاربعه
و من اوٌل آلوقت و بيآرقكم مرفوعه
اقلٌ مآ اقدٌمه و اشارك فيه بذا المناسبه قصيده و شلٌه آربٌها تجمٌلنا عندكم
و القصيد كان ماله كلمه في ذا المواقف اجل مآلي فيه حآجه !
بسم الله ..
7
7
,, رابط سماع آلشلٌه ,,
/
/
/
بسم الله ابدا عزيز الشان و ابدابه
ما غيره احدً ليا ضقت اتذرٌآبه
لا من دعيته و انا واقف على بابه
يروى ضميرً من صدوف الزمن ضامي
يا قاف شوٌش .. و ابي القيفان شوٌآشه
يفرح بها اللي من الفرحه برا جاشه
و اغبن بها كبود حسٌآده و غشاشه
مدام شبحي بعيد .. / و هاجسي حامي
حضرت و الراس شايش عزٌ و حميٌه
في شوف ربعي مزبنُة الجلاويه
[ اهل القنازع ] ليا من ثارت الهيٌه
حريبنا يشتكي من جرحه الدامي
مبرووك يآ يـآم يوم الله وفقٌنا
و من ماضي الوقت و الطولات تعشقنا
حنٌا وعدنا و لا طاحت بيارقنا
مـآ طاح بيرق يشيله واحدً يـآمي
فزنا و حنا يا بومحمد على الهقوه
و قد قلتلك [عزوتك ما مثلها عزوه ]
يومً تعثرت صرنا [ كلنا العدوه ]
حنا حزامك ليا من قلت : يا حزامي
يا لابتي فالمواقف فعلكم بيٌن
و الكايد اليا حضرتو .. ينقلب هيٌن
منهو نظر للفضا و نجومه يعيٌن
تآريخكم كنه برقً فالسما السامي
و العز بين العرب يعرف مشاييخه
و الوقت يحفظ فعول الناس تاريخه
يكفي ان[ راكان ] واحد من مطانيخه
فيه القبايل تفآخر شرقً و شامي
و دام ان سعاطيركم يا ربعي اشتبت
عزو صفوفً تدكٌ القاع ..لا صفٌت
وقفاتكم يا سنادي ../ كفٌت ووفٌت
و اليوم يوم الفرح فالبيرق اليامي
و سلآمتكم
و عسى الله يجمعكم على المعزه يآ عوآل عمٌي ..
اخيكم :/ محمٌد آلعزٌآم آلعجمي