[رجـم بـذال]

بسم الله الرحمن الرحيم




السلام عليكم ورحمة الله وبركاته




لــــ تواصل


مع مدغم ابو شيبه

يافاتنة قلبي وشيخة خاطـري ويـن المفـر=وأنا ولي أمر الجـروح وشيخهـا وأميرهـا
الله يغفر الذنـب والإنسـان ماهـوب يغفـر=بعض الذنوب أهون على المشتاق من تبريرها
ياكثر مانيب أعتذر لك بالظـروف وبالسفـر=وأنا أدري أن ماكل مره خيرها فـي غيرهـا
جعل السنين فداك من صفر إلى غرة صفـر=وفداك حامل مسكها وفـداك نافـخ كيرهـا
سرقت منها ماسرق خصرك من الظبي العفر=اللـي تثنـى لـه سنابـل برهـا وشعيرهـا
وش يزعلك وأنتي وأنا روحين يحملها نفـر=وقلوبنـا فيهـا حنـان أمٍ تضـم صغيرهـا
رياضك الخضرا قفر ورياضي الخضرا قفر=من حقنا نرعـى خزاماهـا ونـارد بيرهـا
وصلت لآخر مرحله معك وبديت من الصفر=ولازلت اكررهـا ولامليـت مـن تكريرهـا
لو عايدات النفط من شط الجبيل الى الحفـر=طاحت على حظ بـدوي ٍ مايعـرف يديرهـا
ما اختار عنها الا مغاتير ومجاهيـم وصفـر=ذود ٍ مفليـةٍ علـى حيرانـهـا وبعيـرهـا
مافيه بين الناس من يسواك يالضبـي العفـر=ان كـان ماجازتلـك الدنيـا نـدور غيرهـا