لو كان بوجه الهوى ذره اخلاق
مامت بيدينه من الشوق مخنوق
ولو مااتوق لقلبك اللحين واشتاق
ماعاد له في ذمتك بس اتوق
فتحت قلبي بس من شان لاضاق
قلبك يغل القلب معلوق معلوق
وفهقت موقي لك على شرف الاحداق
وكل ماقفى موقي الاقيه مفهوق
وشعلت صدري لين ماتناثر اوراق
وصاح بخفوقي عرق ياصاحبي فوق
بلاش بحضور الغلا نطري فراق
خلنا نسولف بس عن لهفه الشوق
والا الجروح اكثار لوشفت الاعماق
يامااورقت فيني عناقيد وعذوق
وياما خنقني الجرح في حلق الاشواك
بس الجروح تهون لعيونك الروق
شفني على رمح السهر جيتك اعناق
جيتك بكفي دم واوراقي عروق
عطشان وصلك لكن شلون بارتاق
لاصار وصلك عوق ومفارق عوق
ماني بـ احبك لكن ورب الافاق
ياني بدونك كن ماني بـ مخلوق
فـ ان كنت ولهان لعيوني ومشتاق
انا وربي ماذبحني سوى الشوق
.
.
.
.