[فلاح بن ملبز]

بدون مقدمات

للمرقابيه / بنت وايل

ما نزّل البعد قـدْرك يـا رفيـع المقـام=صورتْك في القلب لا زالت على حالهـا
محبّتك شوفها لو شفـت حالـي حطـام=كسرت نفسـي لهـا وامتـدّت اظْلالهـا
من يوم حطْ الصبر من فوق ظهري سنام=وأنا ارتكـي للحمـول بهـدي جماّلهـا
وإن قالت الناس ما بللتس حلم الغمـام=مـا نمـت الاّ ودمعـي كـان همّالهـا
واليوم طيّرت ف\ وجيه الليالـي حمـام=وأحلامنـا وقّعـت مـن دون منْزالهـا
إنْ قلت لي يارقيق القلب وين الغـرام؟=: حبّيت نعْمتْـه.. ثـمْ حبّيـت زوّالهـا
لا صار حبّك حلال.. و وصل حبّك حرام=وش لون ترقى معاك النفـس بإذلالهـا!
خلاص خلني و خل الجرح فينـي ينـام=ماعاد يقـوى حمـول القلـب حمّالهـا
ما قلت غير الكلام الليّ عليـه الكـلام=ولاّ امس عقدة لسانـي ضـاع حلاّلهـا
مايلحق البنت شرهات وعتـاب ومـلام=لاصار ماهـي مَرَتْـكْ ومنـت رجّالهـا
وإنْ طاح دمع الوداع وضاع مسك الختام=البعد كلمة وصـح لسـان مـن قالهـا
هذا وقدرك كبير ولـك غـلا واحتـرام=وفرقاك في القلـب فـال الله ولا فالهـا
للحين ما جفّت ادمـوع الغـلا والهيـام=على المحاجر ، و هـم القلـب يبرالهـا
ذكراك عِد(ن) عليه آمال قلبـي حيـام=يعني حبيبتْك ما تعطـش علـى جالهـا
إنْ مت من بُعدها تحييك بيـن العظـام=تعيش في قلبهـا وتْعيـش فـي بالهـا
وتشـوف محبوبتـك لا مـر 20 عـام=تنساك.. ولاّ تنـادي ب\سمـك عْيالهـا