شكرا شكرا شكرا اخت شوسة انني خجل من اسلوبك معي لقد جعلتي الخجل يتقطر من جبيني كقطرات ندى في يوم صيفٍ زمهلُلِ ! شلون قطرات ندى وصيف مزهلل ! سالفتي خجلي مثل سالفة واحد قالوا انه شاعر يوم عرفوني عليه اليوم أول الليل وخلال جلستنا .. قام واحد من الحضور وغمزلي( ) .. وكان من أصدقائي المقربين وقال : (فلان) سمعنا قصيدتك الي كتبتها قبل كم يوم ونت تغير زيت سيارتك على طريق الرياض ! قام الاخ وتنحنح وتحنحن وكح ربع كحة وبعد ما بلع قطعة من ريقة كانت تسد حلقة بدأ بإطلاق كلماتة وكلها مآسي وانتحار وسواد وتهديدات .. أذكر منها : قلبي تقطع من الشوق وانا انتظرك ومدري شنو وقفت على بابك اهديك اياه الله يلعن العذال يوم مدري شنوا طاوعهم قلبي المسموم بحبك يا فتاه انا ميت ومع الناس مدري شنوا مبطل وان الليل اصبح له جاه بصراحة قصيدته تقولين كلام مضروب في خلاط ماله جوهر جوهره كما يقال هذره وقلة صنعه وكان من الناس إلي أصابتهم حمى شاعر المليون ولم يكتب الله له ان يخرج منها سالماً فكان يتجول في المجالس بقصائد تافهة مدعياً الشاعرية في قمة الكوميدية كسر خاطري بصراحه فحبيت امزح معه لعل وعسى ان يشاور نفسه في يوم من الايام ويحاول انه يستخدم عقله ويشغله فيما ينفعه ويرضي ربه مع العلم ان الغمزة كان المقصود منها ان اجعل صاحبنا الشاعر (السوداوي) كيكة الحفلة فقلت بعد ان انتهى من سرد مأساته .... وشهو البيت الي قلت فيه تقطع قلبك ؟ قال : تقطع قلبي من الشوق وانا انتظرك .. بعدين قال في نفس الابيات : وجيت على بابك اهديك اياه قلت : شلون تقطع قلبك بعدين تروح تهديه حبيبتك المعنى فيه عجز ! قال ... ياخي هو كذا القلب يتقطع بس جالس محله ..بعدين كل الشعراء يقولون كذا قلت .. ما عليك من باقي الشعار..انت هذي حبيبتك لما تقرأ قصيدتك بتقول بينها وبين نفسها : وش ابغى به خله لك يعني مافيه شي محفز في قصيدتك قصيدتك زي الوظيفة الحكومية مافيها محفزات تخلي الموظف يحاول يجتهد قال.. ياخي انا ماعندي حبيبه موجه لها القصيدة...فقاطعته قائلا : يااا سلام ياااااا سلاام ! وتقطع قلبك من الشوق وما تنام الليل وتهدي وتنادي وتسب وتلعن... لمن طيب ! قال يا خي لنفسي ومشاعري يعني قاعد تكذب على نفسك وعايش في اوهام ... واستمر نقاشنا لذقائق بسيطة احمر فيها وجهة خجلاً .. وأثناء نقاشنا كان الإخوان الحضور يترنحون من الضحك وبصراحة يمكن يقول البعض حرام .. الله عطاك لسان لاذع لا تستخدمه ضد الناس اقول حرمة عليك عيشتك الله سبحانه الرجال إلي ما يحترم نفسه ويحترم (سبب) خلقه ويحترم الناس الي حوله في كل شئ يقوله وكل شئ يسويه ... لا يستحق الاحترام والله يجعل منه موضع سخرية في الدنيا والآخرة وبصراحة الي خلاني اسوي كذا ماكنت ابيه يستطرد ويستلمنا بقصائده الي أشبها في بعض مواضيع المنتدى إلي كلها حزن وتقطع قلوب وهيام وعشق وسوداوية وحزن عميق اعمق من تراب الارض... ودموع لا تنقطع وقلوب لا تخضر ! وكنت ابي اتابع مباراة مصر والجزائر وتلبية للغمزة وراعيها ...مع العلم اني كنت معه على الرتم الهادي الخفيف ولا لو نويت عليه ... صدقيني ما يطلع من المجلس الا دموعه في عينه صدق مهوب شعر طراها سالفة خجلي وقطرات الندى ايام الصيف شكرا على ترحيبك اختك شوسة تحية طيبة اخ راكان ولي رجعة لمتصفحك الجميل والاشياء الي وجهتها لي وحكاية صاحبنا الشاعر مثل حكاية يا صديقي ويا عزيزي تحية طيبة للجميع
__________________ . . يقولون من راقب الناس مات هماً .. لكني مت ضحكاً !