[رجـم بـذال]

بسم الله الرحمن الرحيم



اسعد الله صباحكم





نتواصل

مع مطلق بن شويه

سولف على النـوّار والنـود والريـف=همسك رشاش !! وضحكتك برق غيمه
سولف على النـوّار والنـود والريـف=همسك رشاش !! وضحكتك برق غيمه
تمطر على البيداء من السيف للسيـف=أربـع ليـال .. وخالـف السيـل ديـمـه
منها الغصون تصير خضر ومواريف=مـن عقـب ماكانـت يـبـاس وهشيـمـه
سولف .. وبعّد عن حشاي التحاسيـف=و دكّ الهجوس اللـي بصـدري مقيمـه
مـن شفتـك ياحلـو طـعـم السوالـيـف=القـلـب طـيّـب .. والنـوايـا سلـيـمـه
عطني من أعماقك ثلاثٍ علـى الكيـف=تـرا لهـن فـي وســط قلـبـي خريـمـه
واغفايـتـي بـيـن الثنـيـن الموالـيـف=ضمّـة غـلا .. فيـهـا ميـانـه وشيـمـه
فـي ساعـةٍ ماهيـب واقـع ولا طـيـف=أعـــود مـعـهـا للـسـنـيـن الـقـديـمـه
وأنـا مـن البـارح عيـونـي ملاهـيـف=عـلـى رغــد هــاك الـقـوام ونعيـمـه
اللـي وصوفـه غيـر كـل التواصيـف=عـيـنٍ روت منـهـا !! وعـيـنٍ محيـمـه
ياكيـف أببـدا فيـك والا أنتهـي كيـف=وأنـت العديـم اللـي وصوفـك عديمـه
ريـان عــودك يانحـيـل السراجـيـف=شــيٍ يـفـرّج لــه !! وشــيٍ يضيـمـه
والجمرتيـن اللـي تحـت سلّـة السيـف=والشـامـه الـلـي جـاورتـهـن يتـيـمـه
علـى صبـاحٍ بـان فــوق المشـاريـف=بـيـان نــور الـحـق فــوق الظلـيـمـه
ومجـدلٍ مـالـه عـلـى أحــدٍ معـاريـف=الا يـديــك الــلــي تـلـيّــم عـتـيـمـه
الفقـر .. ماهـو فقـر قـل المصاريـف =الفـقـر فـقـر الـلـي ماحـطّـك نديـمـه
خذنـي ودثرنـي عـن الـهـم والحـيـف=معـك .. أحـس لبـاقـي العـمـر قيـمـه
الشـوق يمطـر فالضـلـوع المهـاديـف=أربـع ليـال .. وخالـف السيـل ديـمـه