اقتباس: المشاركة الأصلية كتبت بواسطة أفلاطون العجمي عدنا والعود احمد جهزي نفسش للاسئله التحقيق... ونبدا الاسئله مرحبا ومسهلا طال عمرك والله يستر من التحقيق واسئلتي تقول * هل انت راضي عن نفسك ..؟؟ نعم * بماذا تقر وتعترف أمامنا الان ..؟؟ بإني ملخبطه نومتي وما عدت اعرف الاحد من الخميس وإني مزكمه واني طلقت القصيد الصعب * هل انت مدمن تفكير ..؟؟ نوعاً ما !! * ما هو اقتراحك الذي تتمنى ان يحدث في هذا المنتدى ولم يحدث الى الان ..؟؟ عمل مسابقات للأعضاء كنوع من التخفيز مثل افضل عضو للإسبوع وافضل موضوع للإسبوع وافضل مشرف إلخ.. ويحصل الفائز على وسام تمييز * هل ملابس الشخص امامك تؤثر فيك لتأخذ عنه انطباع ..؟؟ مليووووون بالميه لآن شخصية الشخص تنعكس امامك بوضوح من الوهله الأولى من خلال ذوقه وانتقائه للملابس وتنسيقها * ماالذي يلفت انتباهك بسرعه في الشخص لكي تعجب به ..؟؟ غالباً ما ارفع عيني من القاع واللي يلفت انتباهي للشخص صوته وطريقة كلامه واسلوبه بالحوار لكن سالفة الإعجاب يلفت انتباهي الإنسان المحترم والمهذب اللي شخصيته معكوسه على هيئته الخارجيه لكن مو شرط يعجبني <--مو كل من شافت عيوني عجبها * حكمة تؤمن بها جدا ..؟؟ لو تكد كد الوحوش غير رزقك ماتحوش * موقف غير مجري حياتك ؟؟ يوم استلم شهادة التخرج بكت امي من الفرحه والحمل اللي شلته عنها ما استغربت هالشيء بس انا كان احساسي ساعتها مثل الطير اللي فرد جنحانه بعد طول مدة الحبس في القفص دموع امي غاليه جدا واثرت فيني بل فتت قلبي وانا من النوع الصامت اللي مايبكي على اي شيء ما عرفت وش اقول بس اللي عرفته ان حملنا على اهلنا كبير وحنا بعضنا ضايع في اللامبالاه وبيني وبينك كنت ماخذه الدنيا سهالات وتأتي العافيه على قولتهم لكن اللحظه هذي خلتني التفت لنفسي شوي واتخذ معها قرار صارم بأني لازم اكون جديه شوي و هاللحظه هذي بالذات عززت فيني روح التحدي مع نفسي وقلت للمستقبل { يا اكون اللي ابي ولا بلاش اني اكون } <---طبعا مو غريبه عليكم دموع الأمهات كلها نابعه من خوفهم علينا الله لايخلينا منهم يارب * لمن تقول من الاعضاء؟ _ شكراً .... لــ إدارة المنتدى وعلى رأسهم القدير فيصل بن حجرف _ بعدين تفهم .... للي وده يفهم بس مافهم لي الحين _ غالي والله .... لــ منتدى العجمان _خلك بعيد احسن ... للي خايف يقرب _-والله مشتاقين ... لــ كل عضو وضع بصمته في هذا المنتدى الرائع ثم غاب واطال الغياب _-كفاك غرور .... لــ كل من رفع خشمه وشاف نفسه * لمن تعطي هذي المسميات؟؟ مع ذكر الاسباب . _القلم الذهبي ..... سعد الصميل صديق الملك افلاطون العجمي راكان الفارس مضروب على عينه انتحار فخر <---كتابتهم مميزه ودائما في الصميم _شهادة تقدير..... لـ فيصل بن حجرف ولكل عضو ساهم في رقي هذا المنتدى _وردة بيضاء..... لــ النــاقـــده _وردة حمراء..... لـــ ريـــــانـــة العـــــود _وسام التميز.... لـــ موكب من العضو اللي فراقه صعب؟ امممم مافي احد معين بس كل عضو وضع له بصمه حلوه بالمنتدى راح نفتقده بشده من العضو اللي تحب يكون اول من يرد على مواضيعك ؟؟ كل المتواجدين حالياً / ماهو اغـرب مقال قرأتة بالمجالس ؟؟ مع الأسف ذاكرتي ضعيفه بس اذا قصدك المقالات اللي كتبت عن مجلس الأمه <--مبطيه ما مسكت الجريده عشان اقرأ في رأيك ماهي سلبيات المنتدى؟ وكيف يمكن تجاوزها؟؟ <---جاوبت على هالسؤال بالصفحه رقم 2 اقتباس: وفي نظري ان كثرة اعداد الأعضاء المتفرجين تعني انه يوجد خلل ولكن اين هو لا اعلم بس منتدى مثل هالمنتدى الرائع وعدد اعضائه كبييييير ويزداد بين فتره وفتره المفروض يكون فيه ابداع مستمر نابع من العضو نفسه من محبته و ولائه كونه احد اعضاء المنتدى وحبذا لو يؤخذ بعين الإعتبار بأن هذا المنتدى يحمل اسم القبيله ويجب على الأعضاء تذكر ومراعاة ذلك في طرح افكارهم ومواضيعهم لكي نسعى جاهدين في الحفاظ عليه براقاً ومتميزا دوماً <--هذي كانت اجابتي وشلون نتجاوزها او نتخطاها اذا ابطلنا عضوية الأعضاء الفقاعات اللي بين يوم والثاني يظهر عضو ويختفي كأن شيئاً لم يكن واذا عملنا تحفيز وتمييز لكل عضو مجتهد اعتقد بإن الوضع خلال فتره قليله جدا راح يتغير موقف حدث لك وتتمني تعيشيه مره ثانيه؟ <---مغامرات سنبل مواقفي واجد بس مو كلها حلوه ههههه احم احم في موقف سار لي بعرس واحد من الجماعه كانوا يغنون فيني والقصيده حماسيه شوي يعني زين ماسار في رمي عند النسوان هههه المهم جدتي كانت تلاعبني وهي قاعده فديتها ولا تجيني وحده من جماعتنا كبيره بالسن وتسحب ايدي وتلاعبني واثنين من قرايب ابوي بالسعوديه وانا ابتلشت فيهم ثلاث من صوب وجدتي من صوب يوم التفت على جدتي ولا تحذف علي برقعها هههههه <---يعني خذيت البيرق هههههه <---ما دريت شسوي مسكته وقعدت الاعبها بس اول شي الحيا ذبحني طالعت امي وخالاتي وضحكت ولا يضحكون كل اللي قدامي <---مشكلتي خجوله وبسرعه انحرج ما امسك نفسي لا ضحكت <---ما ادري ليه ذكرت هالموقف بس هذا اللي طرا على بالي الحين وكنه ساير امس بس بصراحه زهقت دايم وانا اخذ البيرق يابرقع ياعباه محذوفه علي <--ويافاطرين عيني يامخلعيني هههه <---عشان كذا ما انسى هالمواقف بالذات لآنها ياما تكررت لي بس حلو الشعور هذا تحس بإنك مميز وبالنسبه للبنات اللي يسير لهم هالموقف راح تقول ياارض اتهدي ماعليكي آدي ههههههه ماهو اصعب شيء بهذه الدنيا برأيك هل هو فراق الحبيب ام خيانته?? الخيانه صعبه ومو حلوه ابد بس ممكن مع الأيام انها تغتفر اذا كانت تغتفر اما الفراق اصعب بكثير اتمني ان اسئلتي تكون خفيفه عليك اند اتمنى ماكون طولت عليك او غثيتك او دبلت كبدك ولاتخاف راح ارجع واكتفي بالاسأله اللي كتبتها لك اللحين تحياتي افلاطون العجمي اشكرك على هذا المرور اللي شرفني واشكرك على اسألتك اللي اسعدتني وماغثيتني طال عمرك ولا دبلت كبدي وبإنتظار عودتك مره اخرى تحياتي لشخصك الكريم واعتذر على اطالتي بالأجوبه وتأخيري بالرد
__________________ من قال .. لك ... !؟: إن الألم .. يصنع بدايات الطريق .. !! قلّه .. ترى أكبر .. خطأ ..!! إن الغريق .. ينقذ .. غريق ..!!