[العز بالسيف]

بسم الله الرحمن الرحيم

:
:
:
:
:
:

هذي القصيده قالها شاعر يام : علي بن سعيد بن بلال اليامي
في العميد : ضيدان بن مترك العرجاني
وكانت في تاريخ 5 / 8 / 1412هـ وتعرض لأول مره
ويستاهل أبوسلمان..

عمار يابيت كما بيت سلمان=راعيه ماهو يقفل الباب دونه
وان قيل منهو ياعلي قلت ضيدان=أبا أمدحه وأهل الوفاء يمدحونه
ضيدان بن مترك له الطيب عنوان=والرتبة العليا زهتها متونه
من الظفر والطيب والعز مليان=وله مجلس روس العرب يدهلونه
للسوق ميزان وللشعر ميزان=والحّر ميزانه تراها عيونه
يانوم عيني ياسلايل سليمان=عرجاني مايختلف عن يكونه
من لابة في حزة الحرب ظفران=سقم المعادي والدخيل يحمونه
يشهد لها التاريخ من ماضي الأزمان=ليا طار ستر اللي ينقض قرونه
والصلب والصمان تشهد وراكان=يوم ان سوق الموت يعرف زبونه
فريسكم في ساعة شأنها شان=عنها الحريب موليات ضعونه
تومن بكم قحطان ورجال همدان=والصدق نور والاوادم يرونه
ماقصدي أخص القبايل بحقران=أعد فعلّ كلهم يذكرونه
والشاعر اللي مامعه عقل ولسان=عسى لسانه بالجلم يقطعونه
واسلم ودم وان كان فالهرج نقصان=الكامل الله والملا يعبدونه
وصلاة ربي عّد ماكاين كان=على رسول أمته يتبعونه

تحياتي