يا حمام فوق غصن البان غنـا=جر موالك وانـا باجـر ونـه
وصب لي من دلة الشعار بنـا=شاعرك يجلى عماس الراس بنه
لاطرق صعب القوافي ما تونا=مايرده عن هواها صغر سنـه
يالله بنـو مقاديـمـه تحـنـا=كل عين تنشد الطـواف منـه
عشرة ايام تجـي منـا ومنـا=لين تصبح دولة ال سعود جنـه
الضعون تسير وبيـوت تبنـا=للمطايا درهمه والخيـل عنـه
من يضن بدولة ال سعود ضنا=دولة ال سعود بالله فوق ضنـه
دق ناقوس الخطر والليل دنـا=والفهد قلب الوطن والفـن فنـه
ياملكنا لـو تدنـا مـن تدنـا=سن سيف الحق ضد الغدر سنه
الوطن هذا يابو فيصل وطنـا=مالنا غيره ولا ننحـاز عنـه
ما نبيعه لو تجنـا مـن تجنـا=محتمينه بالسيـوف وبالاسنـه
ياولـي العهـد بالله وش تمنـا=بايعين الـروح مافيهـا محنـه
لو يضيع الشور يابن سعود بنا=نايف الفارق واخذ منـا ومنـه
نايف. ونايف. ونايـف . لاتعنـا=رجل وصدوف الليالي علمنـه
الامن نايف وسيف الامن حنـا=والشفوف تلوف والمضمار كنه
والمواقف ثابتـه منكـم ومنـا=كل راس جر عرقه من مغنـه
شرذمة الارهااب جهال ابتلنـا=فكرهم مافيـه دستـور يسنـه
اقتلـوا سنـة محمـد واقتلنـا=والضحايا شعبنا شيعـه وسنـه
كفهم مـن دم خلـق الله محنـا=كم بري مات في حنـه ورنـه
المره والطفل والعـود المسنـا=ذنب والجهل أبتدى والفكر شنه
فكـر تكفيـر وتفجيـر تبنـا=زمرة الارهااب والارهااب كنه
كنه الليـل البهيـم المرجهنـا=ظلمته غطت على الاسلام لنـه
يبعد امن بلادنا عنكـم وعنـا=والله اعلم بالليالـي المرجهنـه
من لقى منهم وضيـع مستكنـا=يفضح اسراره وسره لا يكنـه
والسلام ورحمة الله ياوطنا=ياوطنا فيك نار وفيك جنه