اقتباس:
المشاركة الأصلية كتبت بواسطة فيصل بن حجرف
السلام عليكم ورحمة الله وبركاته
سالم ماشاءالله وين طحت عليها هذي
أذكر فيه وحده في حنيذ مثلها بس مدري من شالها مهيب موجوده الحين
رجعتنا سنين كثيره
ولاهنت يابو مبارك
|
وعليكم السلام و مرحبابك يا ابو عبدالله
المدرسه هذي من زمان وانا ابي اصورها
ومستغرب للحين ما انشالت خصوصا بعد ماجات البلديه
كان يسولفون الربع عنها وعن مديرها كان يجي من الاحسا
وماكان في زفلت من الاحسا للوادي عشان كذا يضطر للسكن في عريعرة
ومن اول مافي الا كم بيت طين و بيوت قديمه مافي لا شقق مفروشه ولا بيوت
وكان ينام فوق المدرسه خايف من( القوارش) 
ومره وهو نازل مع الصبح على السلم
الا الحيه ملتويه على السلم ودعسها مادرى ولدغته 
.
.
.
وبالنسبه لمدرسة حنيذ سمعت فيها وبعد في مدرسة الصرار قديمه
سنة 1952م اول ما تأسست وزارة المعارف ويبيلها بحث
ويقولو ن في مدرسه بالزغين اقدم شي وبنتأكد من ذالك لاحقاً
لاهنت مره اخرى على مرورك الغالي