ياعلاوي نجـد علـك مراديـم السحـاب=ديرةٍ فيهـا تربيـت يـوم انـي صغيـر
ياطبيب النفس وشهو عـلاج الاكتئـاب=اعطني وصفة اعلاجه ترى وضعي خطير
عشت في غربة حقايق وفي وضع اغتراب=والتجارب علمتنـي علـى شـي كثيـر
استفدت من الذيابه ومـن نبـح الكـلاب=واستفدت من الرغا واستفدت من الهديـر
ولاكسبت الا معرفـة عزيزيـن الجنـاب=ولاخسرت الامعرفـة عديميـن الضميـر
اقترب لا مقترب شين بعـض الاقتـراب=ابتعد لا مابتعد شـي فـي حقـي كبيـر
ياسؤالٍ كـل ماطرحـك ملقالـك جـواب=مالي الا الصبر واهل الصبر توعد بخيـر
وصف خلان الرخا مثل ضحضاح السراب=يفرح العطشان شوفه يحسب انـه غديـر
والردي لو هو ولد عم لاتحسب له احساب=كم عزيزٍ ذلـه الوقـت بضيافـة حقيـر
والدروس انـواع تطبيـق والا بأنتسـاب=بس انا اللي طبّق الدرس قـدام المديـر
عجبتني فنقلتها ولا اعرف اسم شاعرها