صباااح .. الورد
مرخوص ياللي بعت غيره عشانه =ازريت عن رد الجزا ؟؟ او تهاونت؟؟
مابي لك اكثر..سد باب الميانه =بانت مع الوقت الخفايا..وبيّنت
مادام مالي وسط قلبك مكانه =انا بعد مثلك عن الحب هوّنت
انا مثل خيّال خانه حصانه =عذره يقول من الرسن ماتمكنت
غرّه مع المركاض وارخى عنانه=مخطي وانا غلطان يوم اني آمنت
لوكنت وافي ماتخون الامانه=ياللي تقول:"تشيـب روحك ولاخنت"
لو كان قلبك صافي الود خانه =في ذمتي ماهان حبك ولاهنت
اليوم كلٍ يحتفظ في مكانه =لاكان يـومٍ به عرفتـــك .. ولاكنت
احدٍ يخــــون ..وواحد الوقت خـــانه =أنــــا ترى الثـاني .. والاول تراه انـــت