الجادل اللي سافرت يـوم الاثنيـن
بأمانـة الله لا يـطـول سفـرهـا
من سافرت من بيت أهلها ليالحين
وعيني لك الله ما اهتنت في سهرها
مغير أجاذب عبرة القلـب والعيـن
وصلف الهموم اللي طرقني دهرها
وآسج بأفكاري ولا أدري على وين
أثر الهوى لا طب نفـس دمرهـا
قولوا لها تكفون يالربـع الأدنيـن
البعد هو سـم القلـوب وخطرهـا
وإن كانها غرت سلـوم المحبيـن
ولاهز بعدي شعـرة مـن شعرهـا
بدعي عليها وقولو آميـن آميـن
تبلا مثل مـا الله بلانـي بكدرهـا