الخطر حنا نعرفه من شمال = ومن ورى ذاك البحر ذقنا الخطر
يوم موكب رمزنا ضربه حلال = والمقاهي بضربها جاهم أمر
خططوا للشيخ والنيه اغتيال = ورد ربي كيدهم وسط النحر
عقبها صدام مع جيش احتلال = صبّح الديره مع اذان الفجر
قبلها قاسم ويا كثر الجدال = لو أعد الشين يبغالي شهر
يا وزير الأمن نحسبها تعال = من وقف معنا في ساعات العسر
من فتح داره وجندلك رجال = لين رد الداب في وسط الجحر
لا يغرك صوتهم يبن الحلال = ودهم من دارنا لو هو شبر
كل شي مكشوف ما يلزم سؤال = من دروس الأمس نستخلص عبر
الازدواج إن كان من دولة خمال = أكشفه يا شيخ وتبصم لك عشر