ياسعود مالي بالردى واهله شف
النفس شيهانه على كف نايف
ماهزه الغربي ولا الجفن له رف
ولا حركو فيه شعره يا بن هايف
من لابٍة(ن)ماهابت الجيش لوصف
على النقاء ماهي علوم طرايف
لا شك عن كثر اللغى دايم نعف
وعن الردى ومطارد اللاش عايف
ماني صغيٍر(ن) واحمل العقل بالكف
الله عطى والله وهب وانت شايف
احفظ وقاري يافتى الجودواعف
عن ناس ما يلحق عليها حسايف
لثقل صنعه والحمل شاله الخف
وشعيل يرزم ماشكى الوقت خايف
من شان كسب الطيب والطايله شف
وكسب الردى لأهل الردى يابن هايف