في غيابك عشت حزن طول عمري ماعهدته
مثل حزن اللي حرمه الموت لمـة والدينـه
إستحل الصمت وقتي يرتشف دمـع نثرتـه
آه ياوحشة مكانـي بعـد ماكنتـ تجينـه
كل زول مر عندي غير زولـك ماعرفتـه
أظلمت شمس الحبايب وإنطفى نور المدينـه
ماقويت أكتم شعوري كيف أبصبر لو كتمته
منهو اللي لارحلت ماتهـل الدمـع عينـه
ماعرفت إنسان صدق ولا أحس اني فقدتـه
الوحيد اللي عيوني تبكي لوصلـه حزينـه
غيرك ولافيه غيرك أغلى ماعندي وهبتـه
جبت قلبي له هديه من ضلوعي في يدينـه
أكسجين القلب حبك مع نفس صدري شهقته
أورقت منه الغصون وغنت طيور السكينـه
إستلذيت بوجودك عكس مابعـدك كرهتـه
وإحتويتك زي مرسى ضم لأحضانه سفينـه
الغلا ماهـو بكيفـي إن بغيتـه أو تركتـه
الغلا داخل فـؤادي أنتـ اللـي تفرضـه
يابعد عمـري طلبتـك لاتـرد ماطلبتـه
كل طاري عن غيابك مـا أبيـكِ تذكرـه
وإنسي ظروف البعـاد ونبهنـي لاذكرتـه
خلي جروح الموادع فـي مقابرهـا دفينـــه