السلام عليكم ورحمة الله وبركاته
بعد غياب
اتواصل معكم
بقصيده جازتلي
عسى اللي سرى ليل الثلاثاء شهر شوال=يلقيـه ربـي خيـر ويسهـل ادروبــه
مسامح وأنا لو ما سمحتة قـدر وجـلال=شفع لـه غـلاه وحلـه وكفـر ذنوبـه
سرى والمحاجر موجها يرتطـم بالجـال=والآهات مفلوتـه والانفـاس مغصوبـة
بليلٍ شهر سيف الجفـا ونكسـر رجـال=ستر من حياه وحشمته (جرحـه بثوبـه)
تلاحـق دمـوع عيونـه إردهـا بشـال=بعد مالتفت ماشاف مـن يلتفـت صوبـه
وقف بين ياسه والرجـاء كنـه التمثـال=اتلوفـه ريـاح البعـد وتعـري جنوبـه
تمسى على الفرقا عسى الفال غير الفـال=وصبح وغرسة بـذرة العـام مصروبـه
توجد بعد ما مال ضلـع الصبـر ونهـال=ودنـق وياسـه يثنـي إيديـه لجيوبـه
كتم ماب قلبه ونطوى والظروف اهـزال=حيـاوي تـرده شيمتـه دون مطلـوبـه
هذا أنا بليلٍ حسبتـه عـن ثمـان اليـال=على اللي سرى وآماني العمر مصلوبـه
خذاه النصيب اللي حداني علـى الغربـال=وأنا اللي بنيت الحلم (طوبه على طوبـه)
بقياه جرح.. ودمعة.. ودبله.. وسلسـال=وحاسيس مكسوره وحاسيـس منصوبـه
لو أني دريت أن آخر الحال هـذا الحـال=ما وليته أمـري يـوم الأيـام محسوبـه
أحبه وحبه بين الأضـلاع صـال وجـال=لو أجحد غلاه أقصى المخاليـق يدروبـه
له بوسط قلبي فـوق زود الغـلا منـزال=بنتـه المـودة والوفـاء ثبـت اطنوبـه
سقى الله سقى الله قبل لآقف على الأطلال=وتجتاح صدري زفرة الحـزن وتجوبـه
وأجيلـه أدور لسعـة والدقـاق اجـلال=فقيرن يـدور قـوت يومـه ومشروبـه
وألاقي بقربـه جنتـي ونشـراح البـال=يا حيث أن قربه جنـه وبعـده عقوبـة
لا جفت مواريد الوصـل ماتـت الآمـال=لـو أن الغـلا حـيٍ مواريـده عذوبـة
لشاعرها هادي اليامي