[شـــواش]

السلام عليكم ورحمة الله وبركاته
اضع بين أيبدكم هذهِ القصيده المتواضعه بعد هالغايب هذا الحصاد ""
واود أن تنال اعجابكم

ياهيه خذ مني كلام الصعاليك=جبته لجل تعرف حياة الهفاليت

ماكان خافي ولا قدرته يجافيك=حده سموك يوم جيته ولا جيت

هاك القصيده تعترف لك بخافيك=والعذر كاني قدرت وتخليت

مافيه كادي يوم صادف معاليك=يعني ترا ما عرف حتى الاتيكيت

والدرب جابة يم دربك يماشيك=ماتدري اني ماتطبع لو اعطيت

طبعي ترى ماينطبق في مباديك=صعبه أفهمك وأفهم حياة المنيكيت

ياهية عفواً ياحبيبي بخليك=لأني تعبت اللبس ثياب الكتاكيت

ولا اعترف في عالمك لو اماشيك=لأني احس أني غريب وتجنيت

حاولت اعيش العمر حولك حواليك=بس الحقيقه مرها تهدم البيت

يعني ترى بحدود ذاتي بخليك=مابي اعيش احلام دام العمر ميت

اَسف حبيبي خلني صدق مابيك=مافيني اصبر للتصنع لو اخطيت

في مجتمعنا صورتن ماتماشيك=صوره بعيده عن خيال العفاريت

حاولت اعيش بداخلك واتفق فيك=بس الحقيقه تكشف اللي تمنيت

هذا الحكي جالك تريض بحاكيك=ابشرح اظروفي لك اليوم لاجيت

أنتي طبوعك غير واللبس بك شيك=وانا على حد الفقر لا تعليت

انتي بطاقة سحب شبيك لبيك=تفتح لك اللي تاخذه ماتعنيت

والناس من حولك تراهم حكاكيك=بالنسبه لك انتي ترى كويتنا كويت

وبالنسبة لي الوضع صامت يجاريك=صدمتني في دنيتي ليت ياليت

ماشفت دنيا عشتها مع لياليك=دنيا غريبه مابها شي عانيت

دنياك هذي ياهوى البال تعنيك=لاكن أنا يالقلب عنها تخليت

ماحسبت ان الزمن لك مصافيك=أبعتذر منك ترى صدق كفيت

انا ترى من قوم دلة تناديك=فيها طبوع المرجله لاتهقويت

يازين ياصوت النجر لا يداويك=مع رشوش الهيل لاقمت ودليت

تطرب لها قومن على العز تطريك=وتحكي بها العربان مع زاهي الصيت

هذي طبايعنا على الطيب ماريك=حنا بني وايل بدو لو تجليت

وقبل الختام ان قلت احبك ترى اغليك=لاكن ظروف الوقت ياهي مناكيت

مع السلامه ياسموة معاليك=ابنزع اثيابك وابلبس حتاويت

أخوكم: شواش العنزي

[/quote][/QUOTE