الله يعطيش العافية على الموضوع
ونرحب بالضيوف الكرام
وفي انتظار سماع راي راكان الفارس في هذا الموضوع
انا اعارض كلام اخوي الباشا في بعض كلامه او قولة ان حنا مجتمع مغلق ! وين مغلق وش تبي اكثر من كذا
وظائف وسيارات واستقلال المرة بروحها .ولا تبينا نخلي الحبل على الغارب وبناتنا يتوظفون في اي وظيفة
خارج ماجاء في الشريعه الاسلامية
مثل الشرطة والمحاماه وغيرها
انا (معك) في الوظائف اللي قلت انها ماتعارض مع الشريعه الاسلامية
واعارضك في وصف مجتمعنا بالمغلق على شان منعو بناتهم وزوجاتهم من بعض الوظائف
ولا تبي محامية صوتها (يلعلع) في المحاكم
وماتبينا نمنعها من هذي الوظيفة
فية بنات معاهم شهادة حقوق وموظفات في اكثر الوزرات وعملهم مافية اختلاط او احتكاك ورفع صوت بينها وبين محامي ثاني او متهم. عملها بس فرز القضايا
ودراستها وهي في مكتب بدون لاتروح للمحاكم كل يوم
وهذي وظيفة طيبة ,بس انا اتكلم عن المحامية اللي ترافع عن القضايا في المحاكم
الصراحه مااشوف ان فية اعتراض في اي وظيفة
اشوفي في كل مكان تروحين له في وزارات الدولة بنات القبائل
موظفات في اغلب المناصب والوظائف
واغلبيتهم ابوها او اخوها او زوجها او ولدها هو اللي يوديها الي وظيفتها كل يوم
اذا ماكانت تسوق سيارتها بنفسها او مع الدريول
اختي الطب وظيفة الكل يتمنى بنته او اخته او زوجته طبيبة
او مهندسة او مدرسة او مديرة في احد الوزارات
وين الامتهان اللي تكلمين عنه وقتل الطموح ؟؟
اذا نصحها ابوها او اخوها او زوجها بحكم معرفته واختلاطة بالناس من بعض الوظائف
مافية بنت او زوجة عاقلة تخالف اهلها او زوجها في عمل مايرضاه لها
مثلاً تقول انا ابي اشتغل ضابطة في الشرطة .مثل خويتي فلانه وصديقتي فلانه
والبس العسكري يمكن مايرضاه زوجها او ابوها ..بدون عباة والمصيبة بعد اذا كانت حامـ.....!
هل هذا في نظرك كبت للطموح
وهم خايفين عليها من الاحتكاك في المجرمين والخارجين عن القانون
بحكم انها بنت ومايصلح لها هذا المكان ؟
الصراحه مهنة المحاماه للمرة اشوفها ماتصلح لة في قضايا وترافع ورفع صوت للمرة امام القاضي والحضور .مع احترامي لجميع المحاميات (لا يرفعون علي قضية..بس هذا رايي الشخصي واتمنى قبولة ببساطة )
قلت رايي والله يستر من القضايا .شكلي بتوهق مع المعارضين وبيرفعون علي قضايا
واطلب من ادراة المنتدى ترشيح محامين لي ولغيري في حال رفع قضايا علينا في هذا المنتدى ::مالي خلق انسجن على شان قلت رايي
__________________
انا انسان عادي وبسيط بينكم
فلا يعني انني غير موجود لاني بسيط وعادي
ولا يعني بسيط اني لا املك كرامه او شجاعه
او ضمير او دين اوتعليم او أدب,,,,,الخ من مكارم الاخلاق
بسيط لاني احب التواضع
بسيط لاني لا اشوف نفسي فارق
عن غيري
لانكم تملكون مااملك من كل الصفات التي ذكرتها
وقد تكونون افضل مني بأشياء كثيرة
(شخص عادي)