[@ فــهــد @]

.
.
.






للتواصل لا أكثر ..

حي الهوا لا هبّ ثم ذعذع النود ..=اللي يحرّك من براده شعوري ..!
تلحّف بصمتك .. يبو حجاج معقود ..=وإسمع صدى صوت العيون الجهوري ..!
في باطني حزن ومسافات وصدود =وفي ظاهري بسمه .. وظحكٍ جِسوري ..!
أظحك مع الغالين .. لو بيننا قيود ..= مكسور .. لكن ما أبيّن كسوري ..!
تعبت أكابر .. وأرسم لدربي حدود ..=تطوّق أقدامي .. وتسبي مروري ..!
كثرت مراسيلي .. على النقص والزود ..=أدوّر بوقتي .. بطاقة عبوري ..!
تهت بحياتي .. وأصبح الصيت ( مفقود )=وأبكتني الشرهات .. وأقست حضوري ..!
ضروري .. أوجد لي مبادئ ومقصود ..=لأني إذا ما أوجدت ماني .. ضروري ..!
كم شرت : يا حلمي ترا الدرب مسدود ..!=كمّل على دربه .. ولا طاع شوري ..!
هجرت وقتي .. وأكثر العالم شهود ..=وأحسّني عند الرفيق .. مهجوري ..!
أكره غرور الناس .. وأشكيه لـ سعود ..=فجأه أشوف سعود .. يكره غروري ..!
شخصيتي تظمى ولا شافت عدود ..!=وآمالها غصّت .. بحلقي وزوري ..!
حي الهوا لا خالط .. الطيب والعود ..=كنّ بيدينه ياسمينه .. وجوري ..!
لا تعقد حجاجك يبو حجاج معقود ..=وأنت أدرى خلق الله .. بحالة كسوري ..!
حسسني إنك من ورا الصمت موجود ..=ولا تراك ألحين .. منت معذوري ..!

سوالم ..


أخيكمـ

.
.
.