محاورة قوية بين شاعرين كبار
الشاعر : مطلق الثبيتي رحمه الله والشاعرعتيبه: حبيب العازمي
حبيب العازمي
زاد الكـلام وزادت الصفيـن من شاف راع السيل من شافه
بيني وبينـه سلـت السكيـن ما فيه لارحمـه وألا رافـه
مطلق الثبيتـي
لو تلتبس لـك بينهـم بشتيـن البحـر مـا ينقصـه غرافـه
بالهون ياركـان أبـو حثليـن اللي عشق دبر العنـاء عافـه
حبيب العازمي
الشرع يحكم والشهود اثنيـن وغير الثنيـن اثنيـن حلافـه
ورآك يا مطلـق تلـد العيـن وش شفت قدم الذيب وخلافه
مطلق الثبيتـي
مالك ورآنا يـا حبيـب ديـن والشرع ثابت فـوق ميقافـه
ما شفت قدم الذيب غير الزين واللي يطرف فالخـلا حافـه
حبيب العازمي
خليت الاردن يالشريف حسين والخوف في جوفه وفطرافـه
سلم العرب وقت القسى والين كلً عـلاه ايضفـي الحافـه
مطلق الثبيتـي
الله ياحسبـي علـى الاثنيـن كلً يصـج السمـع غطرافـه
الموتر اللي صانعه فالصيـن أعمى عيون النـاس كشافـه
حبيب العازمي
الله دعى فالوعل أبـو قرنيـن عود يـدف الضلـع بكتافـه
لكن جاي من أين رايح ويـن ياسـرع ميقافـه ومحرافـه
مطلق الثبيتـي
اجناه ابو نخلـه وابوسيفيـن معاد الـه فالسـوق صرافـه
ترى الثبيتي ياغـراب البيـن معروف مرباعـه ومصيافـه
حبيب العازمي
الظاهر ان صرافتـه مقفيـن هفت بهم مـع راس مهيافـه
اصبر شويه والعلـوم اتزيـن يالافـه انتـه قدمـك الافـه
مطلق الثبيتـي
بعض العرب فيهم طباعن شين اعصيهـم للقـطـن نتـافـه
الشيخ مـن لايتبـع المقفيـن كلن يرجـع فوقـه أسلافـه
حبيب العازمي
مهوب منا من هل الضلعيـن اللي تعرف القطن وأصنافـه
بالله لاتاكـل علـى الحييـن خل الهـلال يوقـف إسعافـه