اضحك واداري عباد الله واجاملها
والله على نعمه الكتمان قآيدني
دورت بالخلق ضايعها وعاقلها
ولا لقيت اللي لامن ضعت يرشدني
حتى اللي بديته من الناس باكملها
راح وغدر بي ولا كنه معاهدني
مافيه احد يحفظ العشره ويبجلها
هذي حقيقه وشكي مايراودني
ان مت كل نسى ذكرآي واهملهآ
وان رحت ماحد من العالم بفاقدني
عزاه ياضيقه بالصدر شايلها
وين اللي يبكي علي وان طحت يسندني
لاجيت اقرب لخلاني واواصلها
لقيت حتى طريق القرب يبعدني
ياللي جروحك عرفت شلون اعاملها
انا تعودت لاداعي تعودني
باول سنيني واخرها واجملها
الله معاك ومعي وابيك توعدني
لاجت ذكرآي في بالك تأملها
شف وش كثر كنت بالتعذيب تجهدني
ليتك مثل ماتخيلها تخيلها
وتعرف الاحزان ياللي كنت مسعدني
اليوم سلم على الصوره وقابلها
ماعاد لي شعور لك يجودني
والله انا مدري من وين احصلها
من ضيم الايام والحظ معاندني
جتك الرساله وانا ماكنت برسلها
لا كن هذي علومي وانت تنشدني