ودعت جلعـود المكـارم وأيقنـت=بـأن القـدر لابـد يـوم ٍ يجينـي
رضيـت بالمقسـوم وبالله آمنـت=اللي كتـب وقـت المنايـا يعينـي
وش حيلتي يانفـس لامـن تكفنـتوش حيلتي يوم النعـش يحتوينـي
وش حيلتي لاحـل يـوم وتبينـت=في مسجد ٍ ماتبصر النـاس عينـي
وش حيلتـي لانزلونـي وتيمنـت=وصكوا علي مابين لبـن ٍ وطينـي
وهلوا علي كثب الثرى عقب ما كنت=حيـن مـع الحييـن قبـل اليقينـي
وحان السؤال وزاد خوفي وأذعنـت=لسؤال منكر مـع نكيـر المتينـي
ياليتني صليت وزكيـت وأحسنـت=وياليتني ما طعـت شـور اللعينـي
ياليتني فيمـا مضـا لـي تزبنـت=ياليتني ما أهملـت نفسـي ودينـي
ياعامر الدنيا يجـي يـوم لاهنـت=تفنـا ويبقـى الـورث للوارثينـي