[ليتني عجميه]

ماهو بكيفـك عقـب شـيٍ حصلـي
من ذوّق المحتاج يصبر الى أحرجْـه
خليتني مـن حلـو حاليـك أحلـي
وأصبحت مدمن حب والقلب روّجْـه
بين العروق وصار مافيـه " ملـي "
ولاا ولـه جُـرّه تمـرّه وتسهَـجْـه
وذود الغلا في عشـب قلبـي تفلـي
وتراب صدري للمطر منْك ما أحوجْه
يمحل الى صدّيت ويموت يـا اللـي
صديت عنّـه والله أحيـاه وأخرجْـه
ولي خاطر ٍ يسألْك من لي ياخلـي؟
غيبتْك تلعب بـه وشوفتْـك تبهجْـه
ولي عين حالي دمعهـا لـك يهلـي
وانْ رحْت راحت مالح الدمع تزعجْه
غالـي ولا يحتـاج بسّـك تغـلـي
غلاك أخذ قلبي وروّضْه واسرجْـه
ولو قلـت ياعينـي بصـدره تملـي
شافت خفوق ٍ حبك الـذرْب توّجْـه
وماهو على كيفك عقب ما حصلـي
من ذوّق المحتاج يصبر الى ازعجْـه
عطيتني وجهـك وأنـا جيـت كلـي
محروم والمحروم ما ينعطـا وجْـه