بــســم اللـه الرحمـــن الرحـــيـم
لاجيت ابهرب من عيونك تراجعت
وشلون ابهرب والمسافة عيونك
ماهو بكيفي لو عزمت وتشجعـت
لو قلت اببعد يقصر العلـم دونـك
انا بزعمي عقب ماخضرت واينعت
بأغصان قلبـي يمهلنـي طعونـك
اثر الغـلا زود ٍ علـى ماتوقعـت
واصدق من الشك اللذي في ظنونك
بجنون احبك لو قسيـت وتمنعـت
للهم قلـب ٍ مايمـوت بجنـونـك
حلاة عمري يوم في عالمك ضعت
يازين لحظة ضيعتي وسط كونـك
وان هل صوتك في شتاتي تجمعت
وانسى ظماي ان ظللتني مزونـك
يفداك قلب ٍ فـي عذابـه تمتعـت
تخون قلبي نبضته قبـل اخونـك
لالا تقول انـي بحبـك تسرعـت
ياصاحبي يوم اوحشتنـي ظعونـك
نام وتطمن لو شكيـت وتوجعـت
ماعاد تغري سكـة العمـر دونـك
(مما راق لـي)