بسم الله الرحمن الرحيم
اخواني الاعزاء اعتذر عن الانقطاع واضع بين ايديكم قصيدتي المتواضعه واتمنى انها تنال اعجابكم
لي بغيت آسج و آسوق القدم قدامي=أخلفت سود الليالي كل هرج ونيه
وقعها بين الضلوع العوج وقع حسامي=في يمين اللي ليا رد البرا راعيه
تخلف الهقوه وتخلف كل علمٍ سامي=وتختلج لين الهجوس يدن في قافيه
وصبر خلق الله تهده عام بعد أعوامي=تفلج جيوش الفرج لي ثار عج الهيه
ما يوقف صوبها إلا كل جبر عظامي=ما يفرق بين رمضاها وبين الفيه
إستمع مني علومي وإنتبه يا ضامي=ما يبل كبود خلق الله سوا صافيه
محتزم باللي ليا جار الزمان حزامي=فزعته ما هي بسل السيف والجنبيه
دام وجه اللي يفرِج كربة المنضامي=باب عفوه ما يقفل في وجِه ناصيه
فالق البحر الذي موجه عليهم طامي=منجيٍ عيسى من صروف الزمان وغيه
العقايد كنز ما يهدر مع الأيامي=يستزيد العابد اللي يقتبس من ضيه
روحت شمس المعرفه والخبول نيامي=روحتٍ ما بعد روحتها عليهم جيه
إصلح النيه وصف النفس يا لوَامي=وإطلب الله يغفر ذنوبك ويمحا السيه
سبقني في القول من صلا وحج وصامي=العباد اللي لعفوه يطلقون النيه