ليش نزلتي عيونـك ارفعيهـا وطالعينـي
والا يعني انحرجتي يوم جاوبتـي سؤالـي
ليش قلتيلي احبك ليـش كنتـي تخدعينـي
ليش قلتيلي حبيبي ليـش قلتيلـي ياغالـي
كان ممكن ما احبك كان ممكـن تتركينـي
كان ممكن من البدايه تخدعي غيري بدالي
ليش انا بالذات يعني ليش قولي جاوبينـي
بعد غدرك خبريني وقولي بس شلي بقالـي
والله اني ما جرحتك ليش انتـي تجرحينـي
هنت على قلبك حسافه وانقضت اجمل ليالي
والقهر للحين احبك وادري انـك ماتبينـي
والمحبه من طرف واحد نهايتهـا زوالـي
كان عمري بيدينك قولي وش كان بيدينـي
أذكر انه من غلاتك كان قدرك فوق عالـي
كنت اتجاهل واطنش يوم نغزاتـك تجينـي
وكنت اقول الحب اكبر من تصرف لا مثالي
ابغي من وقتك دقيقه وليت انـك تمنحينـي
بس بقولك ثلاث اشياء واروح امشي لحالي
اولآ فعل(ن) احبك كنتي قلبي كنتي عينـي
وكانت الدنيا بوجودك شي روعه شي خيالي
والقهر للحين احبك وادري انـك ماتبينـي
والمحبه من طرف واحد نهايتهـا زوالـي
ثانيآ عـاللي بدر مني دخيلـك سامحينـي
يمكن انه زل لساني وقلت انك راس مالـي
ثالثـآ اسألـك بالله واطلبـك لا تذكرينـي
احرقي كل القصايد وانسي اشواقي ووصالي
المهم اني اببعد وانتـي روحـي واتركينـي
ارجعيله ومثلي دور البريئـه اللـي تبالـي
وفي النهايه قبل ما انسى ابقولك كلمتينـي
ترى هذا اللي تحبينه هو محمد ولد خالـي