بسم الله الرحمن الرحيم
السلام عليكم ورحمة الله وبركاته
هذه قصيدة اقدمها بين يديكم ، لعلها تحوز على إعجابكم ..من قريحتي أهديكم
غيمة فراق
غيمة فراقك أمطرت بعد الخيانه والجفا
يوم إصدمت غيمة وفاي بغيمة الكذب الطويل
منها إنكشف برق الغدر عرفت بأنه ماوفا
ومنها أرعدت كل الجروح وكل جرحن له صهيل
ومنها إختفا درب الوفا وجرح الخيانه ماإختفا
ومنها إنزفت كل الجروح اللي من أسبابه تسيل
ويوم إشتعل شمع الغدر شمع المحبه إنطفا
لان المحبه ماتبي غدر وخيانه للخليل
ويوم إختفت كل الغيوم الجو توه ماصفا
باقي فبالي غيمةن يالله عساها للرحيل
شالت معاها هالجروح وحزنها فيهالفا
تمطر عليه وأذكره وأكتب من أبياتي جزيل
منها حزن منها عتب وأشوف فكري ماإكتفا
كل ماكتبت من العتب يقول في حقه قليل
لأن العتب يحيي الضمير هوليه عن حبي غفا
أنا بنيت له الوفا وأبغيه لي يرد الجميل