صباح مكعب السكر بفنجانك .. صباح النور
صباح اجمل قصيدة حب تمايل حولها انهاري
يفل الغيم جنحانه على صدر السماء مبهور
يلامس سدرة الجنة .. واحسه في وسط داري
لان الدور من شوف الحبايب شكلها ممطور
وكن بشوفهم جنات .. تسلق فوقها أزهاري
أحس ان المطر قصة .. ترتلها بنات الحور
وانا منهم.. تعااال اسمع تراتيلي وأمطاري
يدق القلب قضبان الضلوع ويتركه مشطور
ويظهر من عهر صدقه .. علشانك عشق عاري
يطير لك فراشات الوله .. من بالي المخمور
ومن حانات احساسي .. يدوزن رعشة أوتاري !
يغني لك مع زرياب ويفضح بي وجع مستور
يشابه بارد غيابك لقام .. يعري بأشجاري
حنيني واصلن حدهـ وباني في مداي قصور
ومن زود العشق .. يبني بروج ويطلق أسراري