من عقب ليل القصايدوالغزل والهيـام!
طفل المشاعربراه الشوق قبل ايحبـي!
ذبيت همي على بعضي وبعضي حطام!
واستوطنتني جروح(ن)نزفها ضاق بي!
غربة مميته بروحي والبشرفي زحـام!
والدرب ياضيق بابه مل منـه اتعبـي!
حل أغتيال المشاعرفي مكان السـلام!
واستنكرته الحنايامثل شجـب أعربـي!
ياشين ضعف الاراده في حروب الغرام!
ويامرطعم الهزيمه مـن عـدوٍ غبـي!
سقت امنياتي لعينك وانت جوك عسـام!
كنت أحسب ان الغرام يزين به مشربي!
حلمت بك قبل أشوفك وانتشى بك حمام!
واعطيتها لك رساله من جنون أشغبـي!
وردت حمامات شوقي كاسله بالحيـام!
لانك قسيت بردودك واستثرت اعتبـي!
حطمت حلم الطفوله وانتحر الف عـام!
ضميتها لك بصدري وانت توك صبـي!
كنت اشتهي شيطنتك ولا اخاف المـلام!
وارقب يدينك وهي تحتاج قيظ الهبـي!
بين المشاعر وروحي واحتياجك خصام!
ازريت لافهم غيابك والوجع طال بـي!
وعييت لاالقى لجرحك في حياتي ختام!
كنه معلـق بثوبـي او بظـل اهدبـي!
ياوقت ارفق بجرحي لاكسـاه الظـلام!
والنار شبت لظاها والضلوع احطبـي!
والبدو دقوا وتدهم في صميـم العظـام!
وعروق قلبي بيـدك ماخذنهـا سبـي!
واليوم شفني اسيره بعد مـوت الهيـام!
حلت بروحي ثلاث احتاج ودي وابـي!
الشاعره/تاج الغرور