لو كل من يبكي يحصل مراده & والله لتلقا كل الاجناس يبكون
مير الكا للي عليه القراده & الله يعين اللي من الوقت مغبون
أحدن همومه بالحياة السعاده & وأحدن همومه بالعمر كثرت ديون
وأحدن ينام يحط ديونه وساده & وأحدن شكا ليله على خالق الكون
وأحدنشكا هجر الوليف وبعاده & وأحدن حفظ حبه عن اللييعذلون
وأحدن سهر ليله صلاة وعباده & وأحدن سهر مابين خمرا ومزيون
دنيا بها العالم بياض وسواده & فيها عجايب تجعل الرجل مجنون
الحر لامنه بغى شي صاده & والناس لامنهم بغو شي يسعون
لاصار مالك في حياتك شهاده & منته مع العالم معزز ومصيون
الله يوفقنا بقوة أراده & وأرقا مع اللي للمراقيب يرقون
شفنا بدنيانا دروع وسناده & وشفنا بديانا ربوعن يصدون
من تجربه عشر سنوات وزياده & شفت العجب والهم والشوق والهون
العمر توه جعل يبقا مداده & مال العمر ياسامع الصوت قانون
أعكس دروب الغير تلقا أفاده & تعرف تفرق بين الأشكال واللون
الحب لامنه خذا القلب ناده & وأخذه ترا العشاق دايم يخونون
مانطرد المقفي ونذخر شراده & الطيب فينا يالمقفين مخزون
الحر لامنه تباطا هداده & قسمه مع الأحرار ماهو بمضمون
أحيان ودك في زمانك إعاده & وأحيان ترضابالقدر وأنت محزون
أتولع الجمره وتصبح رماده & والناس لو تعيش لازم يموتون
يكفيك من هرجي وقافي وكاده & بيتن من الهاجس مقفا وموزون
الحر لامنه بغا شي صاده & والناس لامنهم بغو شي يسعون @@