|
لا والله الا قصر حبل الرجا بك=ياواحدٍ كنت احسبه درع وسناد
لا والله الا قصر حبل الرجا بك=ياواحدٍ كنت احسبه درع وسناد
ياللي خطاك اليوم جنّب صوابك=ذلولك الجربا لها شد وشداد
تركت معطنكم خلّي من ركابك=راحت همل ثم عاكست ريح الأنواد
ياطول ما خايلت مِزنة سحابك=واثره غمامٍ خالفه شعف رعّاد
كنت احسبك بلجيك ونا زهابك=أثرك فتيلي بندقٍ ماله زناد
كم ليلةٍ أسرجتها لا عدابك=من عاديات الوقت ضيقه والأنكاد
لامن زهمت أبشر بها عند بابك=هذا جوابي ديام الدوم وقّاد
أثرك هماج الما مايروي شرابك=بيرٍ تعدوا وردها كل الأجواد
إرجع لصفحات الوفا في كتابك=تلقى مواقيفي قديمات وجداد
دامك تماديت الخطا في جوابك=فذكر ترى من جملة الناس نقاد
يا هيه.. يا باشه ياحضرة جنابك=ترى الرجال إتهوش ماهيب تنقاد
والهرج سلعه من حكالك حكابك=ومن يرخي إذنه له مع العيب ميلاد
في الكبد جمره لا جزا الله ثوابك=والقلب جرحه زايد العام قد زاد
يكفيك ما جالك و زوّد عذابك=إنهج طريقك مالك اليوم مقعاد
__________________
الله يجمل حال من هو تجمّـل=إرجال يام اللي تشل الثقايـل
هم فزعة اللي للثقيلـة تحمّـل=لا ..لا يضيق إن كان حمله تمايل
يبشر بقومٍ ذودهم مـا تهمّـل=اللابة اللي ما تهاب الهوايـل
والجود في كينونهم ما تزمّل=ياطيب فزعة كاسبين الجمايل
في صفّهم همدان صفٍ تكمّل=عيال عودٍ من عيال الحمــايل
لا خاب فيهم ظنّ من هو تأمّل=كسّابةٍ للطيب والشك زايل
التعديل الأخير تم بواسطة خالد بن رمثان ; 18-10-2010 الساعة 07:07 PM
|