كل ماهبت نسانيس الهوى.. ذكرتني =بواحدن يجرني سلك المحبة صوبه
واحدِ.. لامن طرالي في الغلا يجبرني = فيه يجبرني حلاه ونظرته واسلوبه
لا ذكرته في المنام افز ويحيرني = وأتخيل صورته واروح في غيبوبه
يشغل الأفكار .. في شوفه ليا ناظرني = بس هو من بد الخلايق صار دوبي دوبه
لو اقول الحب يسحر قلت له ساحرني=ويتحمل كامل الاوصاف كل ذنوبه
من غلاه اموت واحيا فيه ومسهرني = ما أقدر انسى صورته لو غاب عني نوبه
لو يبي ما يطلبه ترف القدم بامرني= والله اني حاضر للزين في ماجوبه
كيف يرضى يشغل الأفكار ويسبّرني؟؟ = هل خبرتوا غالي يقسى على محبوبه ..!
يا زريف الطول.. لاتقسى علي سايرني= اعرف ان الظلم والظالم يجي له "حوبه"
وان كان لك "وجهه نظر يا سيدي خبرني"= قولها وجهه نظر كل حسب مطلوبه
كان ودك تنهي الموضوع لا تجبرني = كلِ يفصل على قده مزايا ثوبه
ادري .. انك في الغرام شوفتك تغمرني= ولو حصلي سجتن منك لا قول التوبه
باختصر وانا عسير القاف ما يعسرني= مايشيب القاف لو طالت علي دروبه
شـــعر / الشرح