بقولكم سالفه صارت امس ..
بس قبل ذا كله كثروا من الحمد والشكر ..
فيه معلمه باحدى المدارس مثل كل معلمه عندها التزامات ..
يعني ذاك اليوم عندها مناوبه .. سوت الي عليها وطلعت البنات كلهم ..
ومعد في المدرسه الا بنت وحده .. وانتظرت هالمعلمه اهل البنت علشان يأخذونها ..
المهم .. وش صار
ماشاء الله على هالمعلمه .. تخيلوا معي اجلست للمغرب .. ولاحظوا معي المعلمه عندها رجل وبزران ..
المهم دخل المغرب محد جاء البنيه .. قامت المعلمه وخذتها للبيت .. وسنعتها من والى ..
الله يثيبها ..غسلت مريوله واكلتها وروشتها وسنعتها مثل بناتها ..
عااااادي ومحد سئل عنها ..
وفي اليوم الثاني .. وكالعاده .. راحوا للمدرسه ..
قولوا الحمد لله .. والاهل مانشدوا عن بنتهم .. المعلمات متعجبين والموجهات كذلك ..
المهم .. اتصلوا على اهل البنت .. في الاخير ردت الام .. قالوا وين بنتك ..قالوا وين فلانه ..
قالت بالمدرسه .. قالوا طيب وامس وينكم منها ..قالت لحظة بسئل الشغاله .. قالوا يام فلانه ..بنت من امس وهي مهب عندكم ..
استغفر الله ياااارب .. مهب صاحيه ..
قالت يااااااا تصوت للشغاله .. وين بيبي .. تقصد البنيه .. قالت في مدرسه ..قالت من امس ياماما ..
والمعلمه مرتفع ضغطها ..
تدرون وش قالت الام للشغاله .. الله يغربلج ..وبس
استغفر الله هذا الي طلع من الام ..
وانا احتسرت وهم يقولون السالفه لي ..
صدق فيه ناس الله اكرمهم بالامومه .. بس ماحافظوا عليها ..
يعني لو وحده مايجي عليها اعيال ... في خاطرها تقول ليتني اربيها ..
لكن الله اكرم ناس .. وحرم ناس .. لحكمه ..
فالله الله بحفظ الامانه .. ولاتتركون اولادكم بيد الشغالات .. والله ربي بيسئل في الاخير .. وبيحاسب على كل شيء ..
وسلامتكم