صاحبي .. وأقصى الحنايا لـ/ ظلمك تحتوّي=وأنـت ترمينـي بكبـد الطعـون الموغلـه
أتفيّـا بـك ... وقلبـي تناهـيـد ودوّي=نزعّتـه لأول المـوت .. والمـوت أولــه
وأتجاهل بك زمانـي ... وحيـل الله قـوّي=ضعت من شـي ٍ تعرفـه .. وشـي ٍ تجهلـه
آه كيف الدمع يرقـا العيـون .. وينـزوّي=ما قويت أخفي مواريّه .. وأزريـت أسبلـه
مابقا لي صوت ... والصدر ضيقات إبـدوّي=كل مـا هامـت يمينـه ... زمانـه يخذلـه
يطوي سنينـه ورا الـلال والبيـدا طـوّي=لين صارت خطوة القـاع ... ذّل ومهزلـه
ومن غدا مقبّل حياته وموتـه مستـوّي .؟؟=ما فرق في وسط عينه ... رضاه إمن إزعله .!!