اقتباس:
المشاركة الأصلية كتبت بواسطة محمد بن صويان
ضحكتي ..صارت من ..همومي حزينه =
وأنت تسئل ..كيف حالي .. شوف حالي !
الحزن حاكم .. وأنا قلبي ..مدينه =
مالها ..في داجي ..الأحزان والي
خل شرهاتي .. مثل ماهي ..سجينه =
دام عادك .. واقفٍ قدام ..جالي
زلتك ..في مقبرة.. صدري دفينه =
مرها قدام ..غيرك صار حالي ..
صاحبك يندى.. من همومة جبينه =
وأنت مايطري .. عليك إللي طرالي
الصبر .. ماقصر الله ..لا يهينه =
حل ..مشكلتي مع ..نفسي وبالي
حكمة العاقل .. من احزانه ..ثمينه =
تجربه والتجربه.هي .. راس مالي
من يشوم .. يشوف .. بس يغض عينه =
ياسمو الفكر من.. عالي لعالي
عز نفسك ..والعزيز ..الله يعينه =
لو ماله عرق .. بصحاب المعالي
صيدته .. دايم مثل ..شعره سمينه =
والمجال إللي .. مثل هذا مجالي
وجعل قلب ٍ مايشيل.. إلا الضغينه =
ينقطع .. نبضه وهو ماهو بخالي !
دعوةٍ ! حتي ..ولو ماهي بزينه =
ماتليق إلا علي ..بعض الرجالي ..
والوفا محفوظ .. والأيدي أمينه =
خاو ! غيري بس .. ماتلقى بدالي .. |
.. صح لسانك يا محمد .. أبيات راقية و فيها من الشعر الجميل .. أنا أعتبر بيت القصيد هو :
عز نفسـك ..والعزيـز ..الله يعينـه
لو مالـه عـرق .. بصحـاب المعالـي
في أساليب داخل النص تدل على إنك متمكن في التصوير الشعري .. مثل :
( ضحكتي حزينه ) و ( قلبي مدينة ) و ( مقبرة صدري ) و ( الصبر الله لا يهينه ) ..
مثل هالاساليب أعتبرها أساليب شعرية لأن فيها من الخيال .. ومهمة الشاعر هو الإستفادة من خياله في تقوية العبارات الشعرية .. صح لسانك والله لا يهينك 