بيـن صلـفـات الليـالـي والظـنـون المستريـبـه
وبين لوعات الفراق وحسـرة النفـس وقهرهـا
جمرة الفرقـا بوسـط الجـوف والخافـق تذيبـه
واللهيـب اللـي تنـاول عوجهـا حـره صهرهـا
مابقـى شـي ٍ علـى متـن القضيـه يلـتـوي بــه
والقصور العامره لو شـان حظـه مـا عمرهـا
ولابقـى حكـي ٍ علـى كـف الكتابـه يبتـدي بـه
غير بسـم الله علـى ليـل ٍ جحدهـا مـا شكرهـا
اييـه يـا هـم ٍ تلجـلـج فالضـلـوع المستصيـبـه
هـم ٍ يسـوق القضيـه فـي خفـوقـه مــا قبـرهـا
واه يا شين الرجـل لا حـس باحسـاس الغليبـه
وقامـت الدنيـا تلـوفـه بالصـواديـف وقشـرهـا
بيـن نـار وبيـن غـار وبيـن شـك وبيـن ريبـه
وان بدى عيبه على المقفين من جوده سترهـا
والهنوف اللي سرت في ظلمة الليـل الرهيبـه
مـا درت بـان المواجـع فـي معاليقـه خطرهـا
ساقت جيوش المـوادع مـن كتيبـه فـي كتيبـه
ولا بقى غيـر الجنايـز يـوم عـدت فـي اثرهـا
استبـاحـت مــا بقـابـه يـــوم مـلّـتـه الرحـيـبـه
والفـرج مالـه مـواري والعنـا حزنـه نصرهـا
الله اكـبـر يــا ثـقـيـل الـهــم والـفـرقـا كئـيـبـه
يوم راحت ما قوت ترفع علـى عينـه نظرهـا
صاحت عروق المحاني يوم قلبـه فـي نحيبـه
وجدّد الحزن المواجع دون صدره ما قصرها
عـاد لـه تسعيـن ليـلـه والعجيـبـه يــا عجيـبـه
يحتريهـا بالعـروق وكـل عـرق ٍ بـه جررهـا
ما بقالـه غيـر حزنـه والمحانـي تصطلـي بـه
والليالي تشتكـي مـن عقـب مـا غيّـب قمرهـا
مؤمن وعارف بان الرجل مالـه عـن نصيبـه
لــو تــدلا مــا تــدلا مـــن معالـيـقـه ثـمـرهـا
(والنصيب يصيب والدنيا تجيب اللي تجيبه )
والوقايع فوق حد الوصف واحساسـه نشرهـا
ما شكى غير الصدود ولا شكى غير المغيبـه
ولا قدح قافه يكود الحزن من صالي شررهـا
الجفـا ذنـب وعقوبـه واللـقـا اصـبـح مصيـبـه
والقهر طم الضلـوع وفرحـة العاشـق دمرهـا
يا هجوس الشعر عنيّت المولـع وش تبـي بـه
مـا كفـاك ان العبايـر مــن جـفـا خـلـه نثـرهـا
سـاق قيفـان العتـب بالطـيـب والا بالغصيـبـه
ولا حسب للفود فود وكل همـه فـي ضررهـا
والهوى ماله ضمان وكـل شـي ولـه ضريبـه
والليالـي مــا تــدوم ولا تخـبـر عــن قـدرهـا
وكل درب وله نهايه .. كل جرح ولـه طبيبـه
والموّلـع لـو تناسـى صـادق المعنـى ذكـرهـا
دامني صرت الغريب اللي شكى فرقا غريبه
يحتريهـا كـل ليـلـه لــو خفـوقـه مــا عـذرهـا
ودامها من فوق عرش القلب واللي تعتلي بـه
ليتهـا عــن واهــج الفـرقـا تمسيـنـي مطـرهـا
ابعدت عني وانـا اللـي كنـت احسبنّهـا قريبـه
يـوم سلسـال المحـبـه يحتويـنـي فــي نحـرهـا
والطموح اللي رسمتها في لقاهـا صـار خيبـه
والمصيبه كـان طـول فـي عنـا الدنيـا سفرهـا
مماراقـ ليـ