شاعر مزاجي .. يشطب اللي كتب امس=كم ماتت ابيات ٍ سبايب مزاجـه ..!
يكتب تعَـب هالناس مع رحـلـة الشمـس=لكنّ .. يخفي ضيقتـه .. وانزعاجه
عشان حاجه .. مستعد يخسر خمس ..!=ما قال لاحلامــه .. يبي كلّ حـاجه !
والجرح طبّه لمس .. ومضاعفَه لمس =وانا تعبت من الرجا .. في عـلاجـه
ما كلّ همسَه صدق .. يا مصدّق الهمس=لا تصدق اللي باح لك .. باحتيـــاجه !
ناس ٍ تغمس الكذب وسط العسل غمـس=واليا عطيت اقصـاااك.. قالوا سذاجـه !
يا شاعر الاحلام .. خلّ السهر وامسْ=والواحد الرزاق لا ضقت .. نـاجــه
واصبر على الايام لو خاطرك عمس=ما بين جدب القاع .. والماء .. عجاجه
ما للهموم علاج يبري سوى الطمس=ولاْ للظروف حلول .. غير المواجـه !
والشعر لو بيديه .. كان انكتب امس=ولاْ مات بالشاعر . . سبايب مزاجـــه !
جآإزت لي !
