لقيتهـا وانعثـر حظـي وضيعـهـا=فتاة الاحلام معها ضاعـت احلامـي
تبعثـرت ذكرياتـي فـي مرابعـهـا=اجمل ليالـي حياتـي وأسعـد أيامـي
أجي همومي تصارعني واصارعهـا=وأنسا همومي ليامـن جـات قدامـي
وليا بـدت تاخـذ افراحـي مواقعهـا=وحسيت بالعاطفه والحـب باعظامـي
قلبي وعقلي بـدت ترخـي مسامعهـا=تسمّع احلا حديـثٍ يـروي الظامـي
حديثهـا ينثـر اشواقـي ويجمعـهـا=أصل معه بالعواطـف قمـة اهيامـي
الروح في قربهـا تنسـى مواجعهـا=لو هي بصدري ترص المخطر الحامي
قصة غـرامٍ وأنـا وحـدي متابعهـا=ما تابعوها معـي عشّـاق الافلامـي
معايـش احداثهـا واحفـظ روايعهـا=ويزيد فيني غلاها عام عـن عامـي
أغيب عنهـا وكنـي عايـشٍ معهـا=تعيش في يقظتي وتعيـش باحلامـي
ودعتها غصب عنـي يـوم اودعهـا=هشاشة الحظ فيهـا غاصـت اقدامـي
قاتلت مـن شانهـا والـروح بايعهـا=لين انتهت قوتـي وأستنفـد حزامـي
راحت وانا كل يـوم امـر شارعهـا=لعل شوفـه يظمـد جرحـي الدامـي
الشاعر فيصل
قصيدة أكثر من رائعة
وبحر جميل
فعلا اعجبتنى القصيدة وتمتعت بقرائتها أكثر من مرة
صح السانك ودام ابداعك
وسجل اعجابى ومتابعتى