غرورك اجتث من صـدري بقايـا غـلاك
مع انك اعز مـن كـرّس غـلاه الشعـور
صحيح كنت التمس في كل وجهه رضـاك
واصنع لحزنك نوافـذ ..ولسعادتـك دور
لين اصبحت عين قدامك .. وعيـن ٍ وراك
لأمر اغترابك وطن .. ولـعمر خطوتك نور
ياصاحبي برجك العاجي ..و نزوة جفـاك
ماخلّدت بين طيّـات الجـوارح حضـور
انـا لـو اقـول كلـي ياحبيبـي فـداك
ماقلت باسم الرضا .. مارس علي الغـرور
سق خطوتك مع ركاب الظن وابذل عطاك
واذا عرفت الحقيقه .. خل صوتك جهـور