بقولكم سالفتي .. يوم الاثنين الي فات .. يعني اخر يوم بسنة 1431هـ رحت للدوام .. ومن عادتي ما انزل معي جوالي ابدااا .. والسبب انه جهاز الجوال فيه كاميرا وممنوع .. ومابي أي مخالفه .. علشان كذا انزل واخليه بالسياره .. بعد مااستودعه .. المهم بعد ما ينتهي الدوووام مثل العوايد اشوف الاراقام والرسائل .. الا اشوف رقم غريب .. وهاليوم خاصه قالت لي المديره ان الاشراف راح يجي ويتابعك .. قلت اجل هالرقم احد المشرفات .. هذا الي في بالي .. قمت واتصلت بالرقم .. قلت الو !!! تخيلوا وش قال لي .. بالاسم الصريح .. يافلانه سدي الخط بكلمك .. حتى ماركزت بنبرة الصوت قلت يمكن اخوي .. او زوج اختي .. لاني ماعرف حتى صوته زين .. وزوج اختي ماعمره كلمني .. بس معليش قاعدة اسكت نفسي .. اشوي الا كلم .. قال انت ساعات ؟؟ قال انا مشعل آل ....الخ ابو .. انصدمت ولا تكلمت بكلمه وقفلت السماعه بوجهه ... وكان معي صديقتي على الجهاز واعلمها بسالفه ..قلت لهاصديق اخوي كلمني وانا خايفه .. وش اسوي ..تدرون من الربكه انا معد اقدر اتستوعب .. قالت خلاص اتركيه ولا تردين عليه .. قلت لها .. اكيد ماراح ارد عليه بس قسم بالله لعلم اخواني .. كيف صديقهم يكلمني .. ومن وين له الرقم .. وكيف حصل عليه ... الخ وصرت موسوسه نوعا ما .. والحمدلله انها معي .. بس والله في هذي الحظه تمنيت انها قريبه مني .. ماعمره صار لي مثل هالموقف ..
__________________