السلام عليكم
مساكم الله بالخير
هذي القصيده مرثيه في الوالد شافي بن حرقان رحمه الله
الله يرحمك ياعودن نعزابه =شايب للاقصى والادنى من السفاريني
رحل ولا ذكر يوم انه قفل بابه=منصى المشاكيل وقت العسر والليني
والرجل لاحبه الله كثروا احبابه=وياكثر مال ابوفالح من محبيني
يبين للناس بحضوره وبغيابه=ابو الوفاء والكرم والمنطق الزيني
شافي ولاقيل بن حرقان ينخابه=من روس قومن يهزون المياديني
حامين حم الذرى ولاراحت نهابه=ويرعون حد الخطر بأمات روحيني
سعد الخوي كان وقته كشر انيابه=متوارثين الظفر مبطي وذلحيني
وتاريخ فرسان نجد مسطر كتابه =ويازين شعر المدايح في المديحيني
تاريخ يبقى مع الاجيال يحكابه=أمجاد الابطال تحكيه الدواويني
وابيه زيزومها لاصارت طلابه=وجده يهابونه القوم المسميني
لاركب نومه وسل السيف بنصابه=كلن يبي العافيه حتى الشياطيني
والذيب ميراث ذيب ويرث ذيابه=ولافيه من يعترض درب السراحيني
كم زبنوا من دخيل وفكوا نشابه=وبيوتهم للعرب كبر الضلاعيني
والقلب يحزن لاراحوا خيرة اقرابه=وش عاد لو سالت الدمعات من عيني
شافي لنا مثل نون العين وهدابه=عسى حسانيه ترجح بالموازيني
الله يرحمه ويرحم شايبً جابه=عاشوا وماتوا على التقوى وعلى الديني
هم سيفنا وهم عمود البيت واطنابه=عز الاجاويد وكعام المعاديني
يالله ياناصر المعصوم واصحابه=ويا خالق الأدمي من ماء ومن طيني
ترحم نزيل القبر وتخفف حسابه=وتبدل اللحد بانهار وبساتيني
وصلوا على من نزل به وحي يقرابه=شفيعنا في نهار الماقف الشيني
منصور بن محمد بن منيخر
صح لسان ابومحمد والله يرحم ابوفالح ويسكنه الجنه